繼之前出的09年流年吉位咭之後，係新年前又寫下流年預測同吉凶位催避方法。
先講催吉避凶先啦。
好多人都知道唔好的位就唔好咁多去，好位就要催旺。咁09年邊個位好邊個位唔好呢？
當然要講開心野先啦，好位首推正南方，跟住係西南面同西北面。但好多人都話正財位係在東南面，但要大家識用先得。

正南面係旺名利文昌位，讀書就成績好，工作的就旺升職。聽到都開心啦。大家可以係呢到放四支富貴竹附近貼一d紅噹噹的野，最好係揮春之類啦。因為仲可以寫埋個願望上去又唔覺得肉酸。其實最好張揮春係自己寫的，但香港人手字好多都唔及打電腦純熟，所以如果d字太唔見得人就用現成的啦。

另外仲有兩個位可以催動名氣的，各位做銷售的可以好好利用。就係西南同西北。
大家可以用六個大銅錢(唔係好舊的古錢，而係金光閃閃的，大概兩吋大一個)用啡色繩串住，隔離再加一個會滾動的水盤(有個雲石波轆轆下果隻)。個串錢錢如果有師父開光會更好。唔係賣廣告，本人仲有存貨，每串賣$200(不連郵費)(包淨化加持)

其實今年個財位在東南位。財星屬土但東南面屬木，因此財星受傷。所以我地要燒旺東南方，咁財星就唔會受傷同埋越燒越旺。我屋企個厨房就係東南面，所以要晚晚開爐。再加一串由八個玉元寶(每個唔好太細，話晒係財位每個起碼一吋大，用真玉做最好，最緊要係白色，絶對唔可以係膠做)本人又有賣開，每串$250。當然又係包淨化同加持啦。如果大家唔方面將個厨房搬去東南面，咁就要諗方法燒旺東南面。有人提意日日用手提式石油氣爐係東南面打邊爐或者日日開暖爐。其實大家可以同玉元寶一齊掛多一串紫水晶。紫水晶要九粒，又係唔好太細粒啦，每粒直徑起碼要1.5cm先襯得到串元寶。唔多講每串$400。

講完好位就講凶位。
今年大病位係正北。主要是情緒同婦科秘尿科出事。大家可以六帝錢同埋方安忍水啦。細病位就係正西。用安忍水化左佢啦。

但今年正東方先係出事位。呢果位係賊位、是非位。一定唔好動土。如果被人係外面動土。唔該你搵師父番黎幫你化。因為呢個位動會應破財、有賊同血光。

致於來年大事就下篇再講。