第一晚(30/9): 夢見我住那座大樓的其中一個lift大堂,我企係大堂, 見到中間條走廊有個短頭發,著白色校服既女仔, 瀏海蓋住眼, 面色蒼白, 好慢咁向我行過來, 我係夢中知道她係跳樓自殺死既, 我好自然地不斷念蓮花生大士心咒,然後不斷跑向反方向, 好像我咁做就可以阻止她自殺, 夢中既意識係只要阻止到她今次既行為就可以救她, 但我被困在另一個LIFT堂.. 由我見到她開始就一直念蓮花生大士心咒, 念到我訓醒係現實都在念!雖然夢中無恐怖場面, 但個心好怯好怯..
第二晚(1/10): 我夢見同男友一起, (夢中既意識好似係我要督促男友一定要帶校服), 咁我見到佢就叫佢扲出來睇, 點知佢扲左件女生既校服出來, 我再睇下原來係果個女仔自殺時著既校服, 但好乾淨, 我問男友點解扲左呢件來佢都唔知點解, 然後我知我男友陰性體質怕影響到佢, 所以扲住套校服去到一個安靜既環境念咒, 而今次係念蓮花生大士既7句祈禱文..最後又係一路念念到醒左
第三晚(2/10): 完全唔記得內容, 但今次係念觀音心咒, 又係念到醒, 感覺上係夢中又係發生左D事, 所以先念, 但真係唔記得內容係咩..但我係夢中知道自己正在念咒, 跟住仲係夢中做埋迴向,而迴向內容係同我現實迴向既內容一模一樣..
所有既夢都同我現實生活一樣, 唯獨係個女仔我無見過!!大家覺得呢三日既夢有無特別意思呢??