請大家看看一個變態又無人性的命

二哥的八字請大家看看。一個變態又無人性的人渣是不是天生的?
一九七八年八月初三晚上11：45。出生地香港。
------------------ 紫微斗數命盤製作程式 命理網專用版 ------------------
|巨祿天破 財|廉天擎天台 子|天天天天 夫|七天天孤喪 兄|
|門存貴碎 帛|貞相羊廚輔 女|梁月鉞空 妻|殺姚馬辰門 弟|
|旺廟 宮|平廟陷 宮|旺 宮|廟 宮|
| 38| 流39| 40| 41|
|83-92 丁巳|93-102 戊午|103-112 己未|113-122 庚申|
------------------+------------------ ------------------+------------------
|貪文天陀天鳳寡 疾| |天紅 身命|
|狼曲刑羅使閣宿 厄| 陽男國曆 67 年 9 月 5 日 夜子 時生同鸞 |
|廟得 廟 宮| |平 宮宮|
|祿 37| 戊午農曆 67 年 8 月 3 日 夜子 時生 42|
|73-82 丙辰| |3-12 辛酉|
------------------ 命宮在酉 身宮在酉 命主文曲 身主火星 ------------------
|太鈴右天天天天 遷| |武文龍華 父|
|陰星弼喜官福才 移| 木三局[石榴木] 生肖[馬] 重 18兩 2錢 |曲昌池蓋 母|
|陷利化 宮| |廟陷 宮|
|權 科 咸天 48| 流年 103 歲次甲午 大限甲子 虛歲 37 | 43|
|63-72 池壽乙卯| |13-22 壬戌|
------------------+-LFDSK-V1.6.i-(c)-Georgikawa-1993,99-+------------------
|紫天天解封翡白 奴|天火天空三八旬 官|破陰截天天旬 田|太地左天恩 福|
|微府傷神誥廉虎 僕|機星魁亡台座空 祿|軍煞路哭虛空 宅|陽劫輔巫光 德|
|旺廟 宮|陷得 宮|廟 宮|陷 宮|
| 47|忌 46| 45| 44|
|53-62 甲寅|43-52 乙丑|33-42 甲子|23-32 癸亥|
------------------ ------------------ ------------------ ------------------

在四兄弟姐妹之中，母親從小特別偏愛二哥，當時家裡很窮，但二哥要的幾貴媽都買俾佢，佢點打我，媽都唔駡佢，反而駡我，小學時佢試過係校車打個女仔，結果個女仔既阿媽上嚟屋企當場打番佢一巴，從此佢就知道街外人唔打得，會俾人追究，只有打我，阿媽唔會追究，我記得一開始仲係好細既時候比佢打完，會向阿媽哭訴佢打我，阿媽都會幫佢駡我，但係從來都唔會駡佢一句，唔記得幾多歲開始我就唔再向阿媽哭訴，只能自己哭，佢就變本加厲，任何時候都可以一巴打過來，當然只會係屋企或街上無其他人既時候，唔會係學校或親戚屋企，可能俾外人打過，對外就係一隻鵪春，咩都唔敢出聲，淨係喺屋企惡，打横行
佢可以係我訓緊覺無任何理由就一巴打落嚟打醒我，佢唔高興更加係攞我嚟發泄，例如有一次佢玩玩具四驅車，（佢由細到大咩都要買最好，用最快既日本摩打，日本差電），架玩具四驅車太快飛出跑道，仲衝咗落坑渠，佢既刻走過嚟打我一巴，總之佢就鍾意點就打，我記得仲係好細既時候，好多次佢專登打我，我想追打返佢又追打唔到，佢就好開心哈哈大笑，我以前有牙周病，經常俾佢打到流牙血，佢好似見人流血就好開心，真係變態
有一年新年玩煙花，佢專登掉枝煙花落我隻腳度，掉中“Ｚip”住係拖鞋同腳背之間，我發瘋地想踢掉拖鞋，你沒試過不知道，以為踢掉很容易，但在這樣的混亂之中真會踢不掉，我的腳大約被煙了十幾秒，我當時食緊雪條，用盡全身氣力掟支雪條落地，點解我唔用盡全身氣力打佢？係我天生“林善”，注定俾佢虐待？

我大約十幾歲之後，佢無本事再虐待我，佢就虐待d動物，曾經有大哥既朋友送咗隻大狗比我地屋企，過咗無幾耐佢就攞隻狗嚟虐待，平時都係我帶隻狗落街散步去廁所，隻狗想去廁所d叫聲唔同，隻狗從來都唔會係屋企痾，一定等我放學帶佢去，仲有去到山邊先痾，唔會係屋邨內，佢有次唔知咩唔高興，唔比我帶佢落去，要佢“頼”係屋企，雙狗真係忍唔住“頼”咗出嚟，當然又係我執手尾
之後有一次佢竟然話帶隻狗落街散步，結果又係變態虐待，叫拖住狗鍊叫“波子，go”，發足狂奔，隻狗跟住佢全速跑，跟住佢突然煞停，隻狗比條狗帶扯住，d腳就係地下磨，好以飄移“綫”軚咁，仲改咗個好好聽既名，叫“磨趾甲”，仲好理直氣壯咁話貓識自己磨趾甲，狗唔識，所以要“幫佢磨”，玩到隻狗腳底d枕損晒
之後有一次去咗個小型寵物展，唔記得係邊，見到有隻一個月大既純種西施，＄８００，佢話鍾意阿媽就買咗比佢，嗰時唔同而家，兩毫子都慳既年代，但係佢要咩，幾貴，阿媽都會買俾佢，（阿媽到而家一直都唔肯認偏心佢而迼成今日佢打横行既局面，d親戚講番當年阿婆阿公都話過佢個仔特別野蠻），阿媽開頭話無可能，佢一定無買過，話我老作嚟屈佢，我話隻狗係我親手埋上山，使唔使我上去挖返條屍出嚟？跟住家姐講咗句“我記得，唔知點解出一次街就抱咗隻狗返嚟囉！”，佢無得唔認，跟住又話隻狗無可能咁貴，“＄１００蚊吓嘛”，到而家都堅持話我屈佢，結果隻狗仔係我地屋企都唔知有無兩個月又比佢整死咗。
隻狗仔本來一直住係屋內狗籠，嗰時冬天，有次寒流，得幾度，佢專登放隻狗仔出門口，門外是半露天的，只有頂部，左右是空礦的，完全食風，我同樓上的女仔唯有放d布入籠中，籠外包了報紙擋風，之後佢出門口見到，發癲咁撕爛晒d報紙，掉走籠中的布，唔比我地整個狗籠，結果隻狗仔“鑑生”凍死，第二朝屍身硬晒，如果隻狗仔比第二個人買就唔使死得咁慘，我親手將佢埋咗係附近既山上面

係隻狗仔仲未死之前，佢係街捉咗隻大肚既貓返嚟，第二朝就生咗四隻貓仔，佢一開始都好似對d貓幾好，有新歡（貓仔）就虐待舊愛（狗仔），之後隻狗仔死咗，就開始虐待隻最細既貓仔（阿四），點都要有一樣嘢比佢虐待，虐待其中一隻，然後又好似對其他嗰d好好，其他貓仔食嘢佢就拉開阿四，唔比佢食，有一次將阿四掛係鐵絲網，等隻貓d爪自己鈎住，然後放手，下面放筒水，等隻貓手軟自己跌入水中，我而家偶然見到d虐貓虐狗既新聞，都會諗起阿四鈎住鐵絲網顫抖呼叫求救既畫面，隻狗仔鑑生凍死都唔及阿四掛住係鐵絲網顫抖呼叫令我印象深刻

二哥從來不讀書，但係阿媽偏要覺得呢個仔最叻，仲話“佢唔讀渣嘛，佢讀一定係成績最好嗰個（指四兄弟姐妹之中），聽說會考零分，好彩佢自己唔讀，如果佢話要讀私校或什麼課程，阿媽一定貼唔少錢比佢，９６年會考之後大約１０年時間留係屋企打機，玩d打打殺殺既game，勁嘈，佢晚晚打機唔知打到幾點，日頭訓覺，全家都訓覺既時候佢照樣開勁大聲，叫佢細聲d佢就專登開大聲d，就係咁衰格，老豆駡佢佢就發癲，阿媽扲住老豆唔比老豆駡佢，由得佢野蠻鍾意點就點，總之佢係屋企就無一日太平。
大約１０年其間做過幾次工但係都兩三個月就唔做，０５定係０６年終於有一份可以長做，仲識埋而家個老婆，之後仲搬埋出去，唔記得邊一年，跟住幾年真係好太平，佢好似正常番晒
２０１３年７月結婚，之後全家雞犬不寧，直到而家

其實係迫婚，個大陸女人（已經落咗嚟香港）一直唔肯結婚，又唔肯分手，其實只當我二哥係免費飯票，食佢使佢，拍拖六年都唔比我二哥上佢屋企拜訪，又唔肯分手，未搵到第二張飯票前都食住呢張飯票先，之後搞咗好耐，二哥要脅“一係結婚一係分手”，終於迫到佢結婚，總之個女人都唔係好人
個女人肯結婚之後即刻註冊（唔記得係咪２０１２），住埋一齊，但係搵酒樓同擇日時間比較長，２０１３年七月才擺酒，擺完酒後兩日發現有咗，全家歡天喜地，點知係惡夢既開始
因為佢地住劏房要行樓梯，驚頭三個月唔穩，就接咗佢番嚟安胎（講到明係安胎，唔係長住），由於只有兩間房，本來是爸媽一間，我一間，姐另租屋住，大哥訓廳，爸媽讓間主人房比佢地，爸媽訓廰，大哥去姐租的屋暫住，我不想爸訓廰訓地下，同阿媽講讓我間房比佢地，我訓廳，阿媽嫌我張床細，一定要讓間主人房比佢地，點知佢地住咗無幾耐竟然話要退租，咁即係要爸媽一世訓廳呀？之後為咗其他嘢嘈，姐同我講話聽得出佢地句句都針對我，唔知係咪想趕我走等爸媽住細房，從此間樓就係佢地

個女人一直放假過嚟安胎，佢當時只係有咗一個月，唔係粗身大細行動不便，無暈無噁，但係半點家務都不肯做，日日係度睇電視同打機，住了大半個月，我媽返戶外而且體力勞動既工作，當時正係七八月全年最辛苦既時候，仲要同佢洗衫煮飯洗碗服侍埋佢，我媽講返出嚟，佢只係帶咗幾套衫嚟，幾日就着晒，我媽問佢“你無底衫褲啦？”，個女人竟然答“你未洗呀！”。
住咗大半個月，終於忍唔住叫她做少少嘢，我媽只係叫她開飯時只幫手攞下碗筷，已經唔使佢煮飯，佢咁都唔肯做，過咗兩三日之後晚晚開飯時即刻走去沖涼，我叫佢只係洗番佢自己d衫都唔肯洗，仲話我媽唔幫佢洗衫，係趕佢走前幾日，忍唔住叫佢輪流一人洗一晚碗，佢就一輪到佢就對我哥哭訴，話我地當佢工人咁使，然後叫我哥同佢係街食埋先返，咁又唔使洗碗，呢個女人為咗唔使做嘢咩都做得出，我哥見佢咁樣以為佢係度好委屈，嬲到立即話要走，佢開口叫我哥唔好走，但係我哥好想走，（佢係一個成世人從來未受過氣的人，因為由細到大成家人都就晒佢），第二日我地就在我哥同意之下“送”咗佢走，佢好明顯勁唔想走，但係我哥返咗工，佢地分開咗佢就無辨法叫我哥唔好走，送咗佢走嗰日，我已經預言佢一定謀住返嚟
嚟。
送咗佢走之後。佢一直打電話嚟話唔夠地方住。要搬返嚟。跟住有日阿媽去求咗支簽。問佢地究竟想點。講你都唔信有咁準。"烏鴉佔巢"。阿媽話“使唔使咁應境呀。鵲巢鳩佔都好聽d吖。烏鴉佔巢咁難聽！”

因為我家極重男輕女，男人係屋企咩都唔使做，仲可以打横行，理所當然我和我媽要服侍晒成屋人，一直以來都是我和我媽服侍佢地，我媽只係負責煮飯，其他家務洗碗洗衫執屋抺地一直都係我做，再加上二哥本來就唔當我係人，佢老婆晚晚向佢哭訴，話我當佢老婆係工人咁使（開飯係阿媽叫既，我只係叫佢老婆洗番自己d衫），佢就指住我嚟駡，話我係工人，要我服侍佢老婆，仲話所有嘢都係我搞出嚟，大哥同老豆就完全幫晒個人渣，覺得我唔係度就咩事都無，由得阿媽比個女人洽死。阿媽當時肯送個女人走都完全係為咗幫個仔，因為個仔想走但係個女人唔肯走，又要日日咸苦咸忽，迫到二哥發癲，以為送咗佢走佢地自己住就無藉口再搵嘢嘈，唔會比個女人迫死自己個仔
兩三個月後，唔知佢點可以令我哥由死都唔肯留低變成死都要返嚟，應該計過條數返嚟阿媽度有着數，唔使交租，有免費飯食（佢老婆唔煮飯，一直食外賣），有人幫佢地洗衫（d衫一直攞去洗衣舖洗，要比錢），抺地（聽說都係二哥做，個女人真係咩都唔肯做），仲唔使佢服侍佢老婆，有人服侍佢老婆，未結婚前見過幾次佢地返嚟食飯，要二哥斟水比佢，幫佢盛飯，二哥叫佢自己去佢死都唔肯，結果都係二哥幫佢做
之後就一直以個孫嚟做要脅，多次打電話比阿媽，話“唔俾我返嚟住就唔使指意見到個孫，我全家都被那個呢兩個人渣迫瘋，為咗個孫，明知那個賤女人返嚟一定永無寧日，但係都要比佢返嚟，全家既男人都仲要不理事實，話所有嘢係我搞出嚟
本來有另一間屋我姐租的，識得業主，超平租，叫佢地租嗰間屋自己搬開住，佢死都唔肯要，因為又要交租又無工人，拖咗好耐點都要脅唔到，就開口要阿媽幫佢交租佢先肯要果間屋，當時阿媽就快退休，就快無收入點同佢交租？佢地２個人萬幾二萬蚊收入，因為個女人一毫子都唔肯攞出嚟，佢就要屈阿媽貼錢比佢，仲有佢唔係真係咁窮，用咩都要最好最貴，成日換電話，兩個人四部電話，電腦，ipad咩都有，佢都叫窮咁我呢d叫咩？

由於我不讓我間房出嚟，佢地就算返嚟都無房住，攞個孫嚟要脅，全家人向我開火我都不讓
二哥話個媒人係天水圍可以讓一間房比佢地住，以為佢地搬咗去天水圍，原來佢個好兄弟有一間屋，個兄弟不理老婆外母反對，話＄４０００租（三房大單位）比二哥暫住，佢仲要壓到＄３０００，終於比人地外母同人地一家都知道，要趕佢走，佢唔肯走仲要脅個兄弟話報警（居屋綠表未補地價唔租得出去），人地當佢係兄弟佢當人契弟，為咗佢同個老婆嗌大交，比佢害到雞毛鴨血，佢表面就惡其實內裏係隻鵪春，佢邊敢報驚，只會係屋企惡，跟住兄弟個老婆搵裝修上去整窗，限佢幾時要走，人地都未上去佢就自己走咗先，跟住返嚟唔出聲有一晚突然攞住幾袋嘢返嚟，頼死唔走，而家終於貼幾千蚊比佢，等佢租我姐之前租嗰間屋
究竟仲要搞幾耐先完？係命理上可以可以睇到點解佢可以咁無人性？

補充一下，他應該比較有財運，雖然出身草根，但由於母親極度偏心溺愛縱容，要咩有咩，２毫子都慳既年代，佢可以經常買一千幾百蚊既玩具，除咗上面講既狗仔，有一次又買了一個＄６９９的單筒望遠鏡，玩厭咗又掉，掉都唔比我望一眼，當然阿媽又唔認佢會買d咁貴既嘢，如果換而家的物價，等於次次買幾千蚊既玩具比個仔
佢好識屈錢，
小學時有一次佢同阿媽講話我同佢輸賭，輸咗要比＄５００蚊佢，阿媽真係去銀行係我戶口攞＄５００蚊比佢
佢有工作之後買股票又賺，買六合彩都成日話中＄４０蚊（中＄４０蚊都唔容易）
雖然唔係大富大貴，但完全可以話“物質充裕”

９６年畢業後佢成十年無做嘢既期間，因為屋企人迫佢搵工，唔比佢日日打機，佢就割脈自殺，大家看出是哪一年嗎？

1.這是因果問題-他們那樣對你是因為你前世（can be more than 1 lifes, it can be many lifes)那樣對他們。

可以參考以下佛經的解析：這是因為你在前世那樣對待你的母親,哥哥和嫂嫂,他們是用同樣的心態來向你討回你欠他們的孽待的債。這佛理是可以解析很多世間法無法解析的-請你慢慢去想這其中的奧妙道理或上網站找

【欲知前世因，今生受者是，欲知來世果，今生做者是】

pls click below links to see more

http://tzoyiing.pixnet.net/blog/ ... C%E4%BB%8A%E7%94%9F

pls click 2nd link below to see some example

http://www.chinamorality.org.hk/big5/publication/24-charter02.htm

2補充

2.1欠命還命，欠錢還錢， 欠情還情，欠什麼就要換什麼！

3.不管你今世如何埋怨-也無濟於事-只有把？？債還了才能了事

4.另外一個方法是在佛菩薩面前懺悔-多誦經念佛拜佛-把功德回向給他們-希望早點得到他們的原諒，把債還清

5.請你再仔細想想-為何偏偏是你會投胎去那家庭而不是別人-這是因為你和那家庭有緣-是逆緣不是善緣！

6.如果他們是變態的人-是對你而已還是對每個人都是那樣？

他０５，０６年都是忌神運，為什麼卻在那年找到第一份長工？
雖然在家中可以横行，想點就點，但係佢總係一腔怒氣，覺得全世界人都“洽”佢，究竟佢既怒氣從何而來，暴怒是天生的嗎？

1.可能是祖蔭風水幫了他-或者是大妻子行的大運五行是他的喜用神-請參考李居明大師的【餓命學】

有人可以把她的廣東話翻成普通話嗎?謝謝..

神經病文章，
如果他有病，你也有
何不同歸於盡
你敢嗎？
高雄 郭土土

請當事人携同此人去看心理醫生比較好。